काठमााडौं, श्रावण १४ – बक्सिङका राष्ट्रिय खेलाडी इन्द्रबहादुर पुन मगरको निधन भएको छ । आठौ दक्षिण एसियाली खेलकुद साफका काँस्य पदक विजेता इन्द्र बहादुरको गए राति ललितपुरस्थित हरिसिद्धी नेपाल क्यान्सर अस्पतालमा निधन भएको भुपु मगर सैनिक प्रहरी संघका केन्द्रीय अध्यक्ष हुमबहादुर पचभैयाले जानकारी दिनुभयो । ४७ वर्षे पुन विगत दुई वर्षदेखि क्यान्सर रोगबाट पीडित थिए । बिहीबार राति निधन भएका इन्द्रबहादुरको पार्थिब शरीरलाई श्रन्द्धान्जलीका लागि शुक्रबार बिहान ९ बजे देखि दशरथ रंगशालामा राखिएको छ ।
२०४६ सालमा नेपाल प्रहरीमा प्रबेश गरी १० वर्षपछि सेवा बाट अवकास लिएका पुनले २०५३ सालमा राष्ट्रिय बक्सिङ प्रतियोगितामा स्वर्ण पदक जितेका थिए । उनको पार्थिब शरीरलाई गृह जिल्ला तनुहँ लगेर शुक्रबारनै अन्त्येष्टी गरिने पारिवारिक स्रोतले बताएको छ ।
को हुन् इन्द्रंबहादुर ?
काठमाण्डौमा भएको आठौ साफ प्रतियोगितामा सन् १९९०, वाईएमसीए इन्टरनेशनल बक्सिङ्ग च्याम्पियनसीप (दिल्ली) ९९७० र मेयर्स कप मनिलार १९९० का काँस्य पदक विजेता हुनु इन्द्रबाहदुर ।
२०५५ सालमा गोर्खा दक्षिण वाहु(चौथो) बाट सम्मानित भएका पुन सन् १९९२ देखि १९९९ सम्म ११ अन्तर्राष्ट्रिय प्रतियोगितामा समेत सहभागी भई सिड्नी ओलम्पिकको छनोटमा दक्षिण कोरियामा पुगेका थिए ।
उनका श्रीमती, एक छोरा आयुस र एक छोरी छन् ।
तपाईको प्रतिक्रिया :