काठमाडौं, १ भदौ । झण्डै १० वर्षदेखि नयाँ नेता छान्न नपाएका नेपाल विद्यार्थी संघका प्रतिनिधि साउन २२ गते काठमाडौं टेक्दा खुसीले फुरुङ्ग थिए । साउन २३ देखि २५ गतेसम्म काठमाडौंमा बस्ने र नेविसंघका नयाँ पदाधिकारी चुनेर फर्किने उनिहरुको योजना थियो । तर प्रतिनिधि विवादले २५ गते हुने भनिएको चुनाव ९ दिन पर सर्दै आज आइतबारसम्म आइपुग्यो । ३ दिनका लागि समय मिलाएर काठमाडौं आएका प्रतिनिधि ११ दिनसम्म बस्दा वाक्क दिक्क भैसकेका छन् । सयौं प्रतिनिधि त जिल्ला फर्किएको हुनसक्ने नेविसंघका नेता बताउँछन् ।
११ दिन काठमाडौं बस्दा खर्च सकियो
महाधिवेशनमा आएका प्रनितिधीलाई नेपाली कांग्रेसले नै खाने बस्ने ब्यवस्था मिलाएको छ । काठमाडौंको सुन्धारा, बागबजार, नयाँ बसपार्क गौशला लगायतका ठाउँमा देशभरबाट आएका ३४ सय प्रतिनिधि बसेका छन् । खान र बस्न पार्टीले नै मिलाएपनि प्रतिनिधिले भने समयमा खान नपाएको गुनासो गरेका छन् । चुनाव हुने थलो र होटल टाढा हुँदा बिहानको खाना खान उनिहरुलाई निकै समस्या छ । धेरै दिन काठमाडौंको महँगीमा बस्नुपर्दा प्रतिनिधिलाई दैनिक खर्च जुटाउन पनि निकै धौ धौ परेको छ ।
‘४ दिनको लागि काठमाडौं आएका थियौं तर ११ दिन पुगिसक्दा त हाम्रो खर्च सबै सकियो’ कैलालीबाट आएकी प्रतिनिधी इश्वरी बमले भने, ‘खान बस्न त होटलमा ब्यवस्था गरेका छन् तर होटलमा खाने मौका नै मिल्दैन आफ्नै खल्तीको पैसा खर्च गर्नुपर्छ, गाह्रो छ ।’ कहिलेकाँही एक छाक मात्र भात खाएर पनि बस्नुपरेको उहाँको गुनासो छ ।
नेविसंघले खाना र बस्नको लागि सुविधा दिएपनि काठमाडौंमा पाइलैपिच्छे खर्च भएको र ११ दिनसम्म त्यो खर्च धान्न मुश्किल भएको बताउने प्रतिनिधिको सानेपामा कमि छैन ।
काठमाडौंको प्रदुषणले केहीलाई रुघाखोकी लाग्यो, कसैलाई पखाला चल्यो
काठमाडौंमा बस्ने नागरिक त सानोतिनो प्रदुषण र संक्रमणबाट अभ्यस्त भैसकेका छन् । तर उपत्यकाबाहिरबाट आउने नागरिकलाई भने यहाँको वातावरणले स्वास्थ्य समस्या निम्त्याइहाल्छ । महाधिवेशनमा भाग लिन आएका काठमाडौंं बाहिरका प्रतिनिधिले पनि काठमाडौंको फाहोरबाट अनेक समस्या झेलिसके । होटलको खानाले केही प्रतिनिधि बिरामि परेका छन् भने धुलो धुवाँको कारण रुघाखोकी र ज्वरोका कारण थलिएका छन् ।
‘आफ्नो जिल्लामा बसेजस्तो त कहाँ हुन्छ र, यहाँ बस्दा त निकै समस्या भएको छ, धेरै साथीलाई पखाला लागेको छ, केहीलाई रुखाखोकी’ कास्कीबाट आएका प्रतिनिधि गोविन्द लामिछानेले भन्नुभयो, ‘काठमाडौंको धेरैदिनको बसाइले साथीहरु बिरामि हुँदा समस्या परेको छ, तर पनि बस्नैपर्ने बाध्यता छ ।’ वाल्मिकी, विश्वभाषा क्याम्पसमा पनि मेसबाट खाना खाने ब्यवस्था मिलाइएको थियो सामूहिक खाना खाएपछि त झन धेरै जना बिरामी भएको प्रतिनिधिको गुनासो छ ।
११ दिनमा झण्डै ५ करोड खर्च
३४ सय प्रतिनिधिलाई खान बस्न र अन्य खर्च गरी नेविसंघको दैनिक झण्डै ४५ लाखका दरले खर्च भैरहेको छ । दैनिक ४५ लाखका दरले ११ दिनको खर्च हिसाब गर्दा अहिलेसम्म झण्डै ५ करोड खर्च भएको देखिन्छ । होटल र मेसको ब्यवस्थापन कांग्रेस निकट होटल ब्यावसायी संघले गरिरहेको छ । प्रतिनिधि ब्यवस्थापनमा खटिएका शिव रिमालले भने, ‘दैनिक ४५ लाखको अनुपातमा खर्च भैरहेको छ, तर एकमुष्ट रकमको हिसाब गरेका छैनौँ खर्च त निकै बढेको छ’ उनले थपे, ‘महाधिवेशन नलम्बिएको भए डेढ करोड खर्चमा सक्ने योजना थियो, तर लम्बिएर खर्च बढेको छ, यो सबै पार्टीले बेहोर्ला ।’
११ दिन काठमाडौं बस्दा खर्च सकियो
महाधिवेशनमा आएका प्रनितिधीलाई नेपाली कांग्रेसले नै खाने बस्ने ब्यवस्था मिलाएको छ । काठमाडौंको सुन्धारा, बागबजार, नयाँ बसपार्क गौशला लगायतका ठाउँमा देशभरबाट आएका ३४ सय प्रतिनिधि बसेका छन् । खान र बस्न पार्टीले नै मिलाएपनि प्रतिनिधिले भने समयमा खान नपाएको गुनासो गरेका छन् । चुनाव हुने थलो र होटल टाढा हुँदा बिहानको खाना खान उनिहरुलाई निकै समस्या छ । धेरै दिन काठमाडौंको महँगीमा बस्नुपर्दा प्रतिनिधिलाई दैनिक खर्च जुटाउन पनि निकै धौ धौ परेको छ ।
‘४ दिनको लागि काठमाडौं आएका थियौं तर ११ दिन पुगिसक्दा त हाम्रो खर्च सबै सकियो’ कैलालीबाट आएकी प्रतिनिधी इश्वरी बमले भने, ‘खान बस्न त होटलमा ब्यवस्था गरेका छन् तर होटलमा खाने मौका नै मिल्दैन आफ्नै खल्तीको पैसा खर्च गर्नुपर्छ, गाह्रो छ ।’ कहिलेकाँही एक छाक मात्र भात खाएर पनि बस्नुपरेको उहाँको गुनासो छ ।
नेविसंघले खाना र बस्नको लागि सुविधा दिएपनि काठमाडौंमा पाइलैपिच्छे खर्च भएको र ११ दिनसम्म त्यो खर्च धान्न मुश्किल भएको बताउने प्रतिनिधिको सानेपामा कमि छैन ।
काठमाडौंको प्रदुषणले केहीलाई रुघाखोकी लाग्यो, कसैलाई पखाला चल्यो
काठमाडौंमा बस्ने नागरिक त सानोतिनो प्रदुषण र संक्रमणबाट अभ्यस्त भैसकेका छन् । तर उपत्यकाबाहिरबाट आउने नागरिकलाई भने यहाँको वातावरणले स्वास्थ्य समस्या निम्त्याइहाल्छ । महाधिवेशनमा भाग लिन आएका काठमाडौंं बाहिरका प्रतिनिधिले पनि काठमाडौंको फाहोरबाट अनेक समस्या झेलिसके । होटलको खानाले केही प्रतिनिधि बिरामि परेका छन् भने धुलो धुवाँको कारण रुघाखोकी र ज्वरोका कारण थलिएका छन् ।
‘आफ्नो जिल्लामा बसेजस्तो त कहाँ हुन्छ र, यहाँ बस्दा त निकै समस्या भएको छ, धेरै साथीलाई पखाला लागेको छ, केहीलाई रुखाखोकी’ कास्कीबाट आएका प्रतिनिधि गोविन्द लामिछानेले भन्नुभयो, ‘काठमाडौंको धेरैदिनको बसाइले साथीहरु बिरामि हुँदा समस्या परेको छ, तर पनि बस्नैपर्ने बाध्यता छ ।’ वाल्मिकी, विश्वभाषा क्याम्पसमा पनि मेसबाट खाना खाने ब्यवस्था मिलाइएको थियो सामूहिक खाना खाएपछि त झन धेरै जना बिरामी भएको प्रतिनिधिको गुनासो छ ।
११ दिनमा झण्डै ५ करोड खर्च
३४ सय प्रतिनिधिलाई खान बस्न र अन्य खर्च गरी नेविसंघको दैनिक झण्डै ४५ लाखका दरले खर्च भैरहेको छ । दैनिक ४५ लाखका दरले ११ दिनको खर्च हिसाब गर्दा अहिलेसम्म झण्डै ५ करोड खर्च भएको देखिन्छ । होटल र मेसको ब्यवस्थापन कांग्रेस निकट होटल ब्यावसायी संघले गरिरहेको छ । प्रतिनिधि ब्यवस्थापनमा खटिएका शिव रिमालले भने, ‘दैनिक ४५ लाखको अनुपातमा खर्च भैरहेको छ, तर एकमुष्ट रकमको हिसाब गरेका छैनौँ खर्च त निकै बढेको छ’ उनले थपे, ‘महाधिवेशन नलम्बिएको भए डेढ करोड खर्चमा सक्ने योजना थियो, तर लम्बिएर खर्च बढेको छ, यो सबै पार्टीले बेहोर्ला ।’
तपाईको प्रतिक्रिया :